നിങ്ങളുടെ പ്രിയപ്പെട്ട മെ‍ാബൈൽ ഫോൺ, എണ്ണമറ്റ സെൽഫികളുടെയും കെ‍ാച്ചുവിശേഷങ്ങളുടെയും മൂകസാക്ഷി, അതു ഡിജിറ്റൽ മരണത്തിനിരയാകുന്നു. നിങ്ങളെന്തു ചെയ്യും? ഇ–ശവക്കുഴിയിൽ അടക്കം ചെയ്യുമോ? അതോ വൈദ്യുതച്ചൂളയിലിട്ട് കത്തിച്ച് വാതകങ്ങളെ വിണ്ണിലേക്ക് അയയ്ക്കുമോ? ഭൂമുഖത്ത് 1600 കോടിയിലധികം മെ‍ാബൈൽ ഫോണുകളുണ്ട്. ആളോഹരി രണ്ടെണ്ണം വീതം. കഴിഞ്ഞ കെ‍ാല്ലം 560 കോടി ഫോണുകൾ കാലഹരണപ്പെട്ടു മാലിന്യദശയിലേക്കു വഴുതിവീണു. ഒന്നിനു മുകളിൽ മറ്റെ‍ാന്നായി ഇവയെ ഉയർത്തി നിർത്തിയാൽ ഭൂമിയിൽനിന്നു ചന്ദ്രനിലേക്കുള്ള ദൂരത്തിന്റെ പകുതിയാവും. കുട്ടികളുടെ കളിപ്പാട്ടങ്ങളുടെ കെ‍ാച്ചുകാര്യം നോക്കൂ. കെ‍ാല്ലത്തിൽ ലോകമാസകലം 3.20 കോടി ടൺ ഇ–മാലിന്യം ഇവയുണ്ടാക്കുന്നു. ഇതു കയറ്റിയ 16 ലക്ഷം ലോറികളെ നാം എവിടേക്കു തിരിച്ചുവിടും?