‘യൂത്ത് കോൺഗ്രസ് തിരഞ്ഞെടുപ്പ് ആപ്പിൽ എഐ; കനഗോലുവിനെ എന്തിനു പേടി? ‘സിപിഎം ‘കൊടികൊടി’യായി ആളെ വളർത്തുന്നു’
Mail This Article
കോൺഗ്രസിന്റെ ശക്തിസ്രോതസ്സാണ് യൂത്ത് കോൺഗ്രസ്. ഇടക്കാലത്ത് യൂത്ത് കോൺഗ്രസ് ദുർബലമായപ്പോൾ വളരെ വേഗം അത് കോൺഗ്രസിന്റെ വേരുകളെയും ദുർബലമാക്കി. എന്നാൽ ഇപ്പോൾ കോൺഗ്രസിന്റെ പതിവു രീതികളിൽനിന്ന് വഴിമാറി സ്വന്തം അസ്തിത്വത്തിൽ ഉയിർതേടുകയാണ് യൂത്ത് കോൺഗ്രസ്. ഗ്രൂപ്പുകളുടെ പതിവു ചട്ടക്കൂടുകളെ പൊളിക്കുന്നതായിരുന്നു ഇപ്പോൾ നടന്ന സംഘടനാ തിരഞ്ഞെടുപ്പു രീതി എന്നതാണ് ഇതിനുള്ള ഒരു പ്രധാന കാരണം. പുറമേ നിന്നുള്ള ഇടപെടലുകളെ ഒരു പരിധിവരെ പടിക്കുപുറത്തു നിർത്താനായതോടെ അടിത്തട്ടുമുതൽ തെളിഞ്ഞു വന്നത് പുതിയൊരു നേതൃനിര. വരും ദിനങ്ങളിൽ യുവജന രാഷ്ട്രീയത്തിൽ പുതുവഴിതെളിക്കുമോ രാഹുൽ മാങ്കൂട്ടത്തിലിന്റെ നേതൃത്വത്തിലുള്ള പുതിയ യൂത്ത് കോൺഗ്രസ്? സംസ്ഥാനപ്രസിഡന്റായി ചുമതലയേറ്റ രാഹുൽ ‘മനോരമ ഓൺലൈൻ പ്രീമിയ’ത്തിൽ വിശദമായി സംസാരിക്കുന്നു. പുതിയ തിരഞ്ഞെടുപ്പു രീതി, അതുമായി ബന്ധപ്പെട്ട് കോണ്‍ഗ്രസിലെ ഗ്രൂപ്പ്, സിപിഎമ്മിലെ അപചയം, മാറുന്ന സമരരീതികൾ, ലോക്‌സഭാ തിരഞ്ഞെടുപ്പ്, സാമുദായിക സംഘടനകളോടുള്ള നിലപാട്, യൂത്ത് കോൺഗ്രസിന്റെ ഭാവി... ഇങ്ങനെ ഒട്ടേറെ വിഷയങ്ങളിൽ മനസ്സു തുറക്കുകയാണ് രാഹുൽ മാങ്കൂട്ടത്തിൽ.
