എല്ലാത്തിനും പിന്നിൽ ആ 2 ലക്ഷം കോടീശ്വരന്മാർ; ജീവിതം ‘അൾട്രാ റിച്ച്’; സമ്പത്തെല്ലാം ‘കയ്യിലാക്കി’ ഒക്ടോപസ് ക്ലാസ്
![India Luxury മുംബൈ തെരുവുകളിലൊന്നിലെ ചുമർചിത്രക്കാഴ്ച. ഒക്ടോപ്പസ് ക്ലാസ് ഏറ്റവും കൂടുതലുള്ള നഗരങ്ങളിലൊന്ന് മുംബൈയാണ് (Photo by Punit PARANJPE / AFP)](https://img-mm.manoramaonline.com/content/dam/mm/mo/premium/life/images/2023/10/20/luxury-india-mumbai.jpg?w=1120&h=583)
Mail This Article
മധ്യ വർഗം, ഉയർന്ന–ഇടത്തരം വരുമാനക്കാർ, താഴ്ന്ന വരുമാനക്കാർ, സാമ്പത്തികമായി അതീവ പിന്നാക്കാവസ്ഥയിലുള്ളവർ തുടങ്ങി സമൂഹത്തിലെ പല വിഭാഗങ്ങളെപ്പറ്റിയും നമ്മൾ കേട്ടിട്ടുണ്ട്. എന്നാൽ ‘ഒക്ടോപസ് ക്ലാസ്’ എന്നൊരു വിഭാഗത്തെ കുറിച്ച് കേട്ടിട്ടുണ്ടോ? മാർസെലസ് ഇൻവെസ്റ്റ്മെന്റ് മാനേജേഴ്സ് കമ്പനി സ്ഥാപകനും സിഇഒയുമായ സൗരഭ് മുഖർജിയാണ് ഈ പദപ്രയോഗത്തിന് പിന്നിൽ. ഇന്ത്യയിലെ ചെറുപട്ടണങ്ങളിലും നഗരങ്ങളിലും ഒക്ടോപസ് ക്ലാസ് ഉണ്ട്. സാമ്പത്തികമായി ഉയർന്ന നിലയിൽ എത്തുകയും പിന്നീട് സമ്പത്തിന്റെയും അധികാരത്തിന്റെയും കാര്യത്തിൽ സ്വാധീനശക്തിയായി മാറുകയും ചെയ്യുന്ന കുടുംബങ്ങളെ സൂചിപ്പിക്കാനുള്ളതാണ് ഈ പ്രയോഗം. ഇന്ത്യയിലാകെ രണ്ട് ലക്ഷത്തോളം കുടുംബങ്ങൾ ഈ വിഭാഗത്തിൽ പെടുമെന്നാണ് കണക്കുകൂട്ടൽ. സമ്പത്തിന്റെ 80 ശതമാനവും കൈകാര്യം ചെയ്യുന്നതും ഇവരാവും. നഗരണങ്ങളിലും പട്ടണങ്ങളിലും ഇൗ വിഭാഗത്തിന്റെ വളർച്ചയിലും വ്യത്യാസമുണ്ടാകും. എങ്ങനെയാണ് ‘ഒക്ടോപസ് ക്ലാസ്’ രൂപീകരിക്കപ്പെടുന്നത്? എങ്ങനെയാണ് ഇവരുടെ സാമ്പത്തിക ശേഷി വളരുന്നത്? ഇന്ത്യയുടെ സമ്പദ്വ്യവസ്ഥയിൽ ഒക്ടോപസ് ക്ലാസിന്റെ വളർച്ച നിർണായകമാവുന്നത് എങ്ങനെയാണ്?