ഫൈനൽ വിസിൽ മുഴങ്ങും മുൻപ്...

കഴിഞ്ഞ ലോക്സഭാ തിരഞ്ഞെടുപ്പു പ്രഖ്യാപിച്ചത് 2019 മാർച്ച് പത്തിനാണ് എന്നതു കണക്കിലെടുക്കുമ്പോൾ 2024ലെ തിരഞ്ഞെടുപ്പു പോരാട്ടത്തിലേക്ക് ഇനി ഏറെ ദൂരമില്ല. തിരഞ്ഞെടുപ്പു പ്രഖ്യാപനം ഫെബ്രുവരി ഒടുവിലോ മാർച്ച് ആദ്യമോ വരാനാണ് സാധ്യത എന്നു കണക്കാക്കിയാൽ മുന്നണികൾക്കു മുന്നിലുള്ളതു നൂറോളം ദിവസങ്ങൾ. മധ്യപ്രദേശിലും രാജസ്ഥാനിലും ഛത്തീസ്ഗഡിലും കാവിക്കൊടി പാറിച്ച ബിജെപി വൻ ആത്മവിശ്വാസത്തിലാണ്. കേരളത്തിൽ പക്ഷേ, അട്ടിമറി വിജയങ്ങളിൽ മാത്രമാണ് അവർക്കു പ്രതീക്ഷ. മുഖ്യപോരാട്ടം യുഡിഎഫും എൽഡിഎഫും തമ്മിൽത്തന്നെ.