കരിങ്കൊടി കണ്ടാൽ പിണറായിക്ക് എന്താണ്? ‘ബ്ലഡി ഫൂൾസ്’, ക്രിമിനൽസ്! അന്ന് മൻമോഹൻ സിങ് എന്താണ് ചെയ്തതെന്ന് അറിയാമോ?

നവകേരള സദസ്സിനായി ബസിൽ യാത്ര ചെയ്യുന്ന മുഖ്യമന്ത്രി പിണറായി വിജയനെയും മറ്റ് മന്ത്രിമാരെയും കരിങ്കൊടി കാണിച്ച് പ്രതിഷേധിക്കുന്ന യൂത്ത് കോൺഗ്രസ്, കെഎസ്‌യു പ്രവർത്തകരെ ഡിവൈഎഫ്ഐ പ്രവർത്തകർ ചെടിച്ചെട്ടികളും ഹെൽമറ്റും കൊണ്ട് കൈകാര്യം ചെയ്തപ്പോൾ മുഖ്യമന്ത്രി പറഞ്ഞു, ‘മാതൃകാപരമായ ജീവൻരക്ഷാ പ്രകടനം’. കഴിഞ്ഞ ദിവസം വിമാനത്താവളത്തിലേക്കുള്ള യാത്രയ്ക്കിടെ ഗവർണർ ആരിഫ് മുഹമ്മദ് ഖാന് നേരെ കരിങ്കൊടി കാട്ടിയ എസ്എഫ്ഐ പ്രവർത്തകർക്ക് മുന്നിൽ കാർ നിർത്തി ചാടിയിറങ്ങി ഗവർണർ പറഞ്ഞു, ‘ബ്ലഡി ഫൂൾസ്, ക്രിമിനൽസ്.. കം, കം’...