മുതിർന്നവരുടെ പ്രഹരങ്ങൾ
![G-Sudhakaran G-Sudhakaran](https://img-mm.manoramaonline.com/content/dam/mm/mo/premium/opinion-and-analysis/images/2023/12/28/cpm-cpi.jpg?w=1120&h=583)
Mail This Article
സിപിഎമ്മിലും സർക്കാരിലും നടക്കുന്നതു പലതും ശരിയല്ലെന്നാണ് മുള്ളും മുനയും വച്ച വാക്കുകളിലൂടെ മുതിർന്ന നേതാവ് ജി.സുധാകരൻ ആലപ്പുഴയിൽ ചൂണ്ടിക്കാട്ടിയത്. സിപിഐയിൽ പാർട്ടിക്കാർക്കു ദഹിക്കാത്ത പലതും നടക്കുന്നെന്ന ആക്ഷേപം ഈയിടെ പരസ്യമായി ഉന്നയിച്ചത് ഏറ്റവും സീനിയറായ നേതാവ് കെ.ഇ.ഇസ്മായിലായിരുന്നു. 75 വയസ്സ് കഴിഞ്ഞതിന്റെ പേരിൽ സിപിഎമ്മിന്റെയും സിപിഐയുടെയും സംഘടനാ പദവികളിൽനിന്നു കഴിഞ്ഞ സമ്മേളനകാലത്ത് ഒഴിവാക്കപ്പെട്ടവരാണ് ഈ മുൻമന്ത്രിമാർ. പാർട്ടി തീരുമാനം അംഗീകരിച്ചെങ്കിലും അതിനോടു മനസ്സുകൊണ്ട് ഇരുവരും പൊരുത്തപ്പെട്ടിരുന്നില്ല. പ്രായപരിധിയുടെ പേരിൽ ഒഴിവാക്കപ്പെട്ട മിക്ക മുതിർന്ന നേതാക്കളുടെയും മാനസികാവസ്ഥ ഇതുതന്നെ. സുധാകരനും ഇസ്മായിലും വാക്കുകളിലൂടെ പാർട്ടിയെ പ്രഹരിക്കുന്നു, മറ്റു ചിലർ ഉള്ളിലടക്കി ജീവിക്കുന്നു.