ലോകത്തിന്റെ ഉച്ചിയിൽ ഒരു പെണ്ണാൾ

ഒട്ടേറെ മേഖലകളിൽ മോഡേണും മോഡലുമൊക്കെയാണെങ്കിലും ഒരു സ്ത്രീയെ ഭരണനേതൃത്വത്തിൽ കൊണ്ടുവരുന്നതിൽ യുഎസും കേരളവും ഇപ്പോഴും പരാജയപ്പെട്ടുനിൽക്കുന്നു എന്ന യാഥാർഥ്യം ഓർത്തുകൊണ്ടാണല്ലോ രണ്ടാഴ്ച മുൻപ് ഈ കുറിപ്പ് അവസാനിപ്പിച്ചത്. അതിനു പിന്നാലെ മറ്റൊരു യുഎസ്- കേരളബന്ധവും ബന്ധമില്ലായ്മയുംകൂടി ഓർക്കാനിട വന്നു. നമ്മുടെ എക്കാലത്തെയും ഏറ്റവും വലിയ ഗായകനായ യേശുദാസിന്റെ 84-ാം ജന്മദിനം കഴിഞ്ഞ 10ന് ആഘോഷിച്ചപ്പോഴായിരുന്നു അത്. കുറച്ചുകാലമായി അദ്ദേഹം യുഎസിലാണല്ലോ.