താതൻ തൊഴുതുമടങ്ങുമ്പോൾ

സുമനസ്സുകൾ സമൂഹത്തിൽ നിറയുമ്പോഴാണ് ഉദാരത വർധിക്കുന്നത്. ടെൻഡർ ഇല്ലാതെ ഊരാളുങ്കലിനു പണി കിട്ടുന്നതും സേവനമില്ലാതെ എക്സാലോജിക്കിനു പണം കിട്ടുന്നതുമൊക്ക ഇതുകൊണ്ടാണ്. സത്യത്തിൽ ഇതെല്ലാം ഭരണത്തിന്റെ നേട്ടമാവേണ്ടതാണ്. പക്ഷേ, നേരെ എതിരായി ജനത്തിനു തോന്നിയാൽ നിവൃത്തിയില്ല. സത്യം വിളിച്ചുപറയാൻ മണ്ടത്തരം മതി. അത്തരക്കാർ ആവശ്യത്തിനുണ്ട്. ജനം വിശ്വസിക്കുന്ന കള്ളം പറയാൻ കാഞ്ഞബുദ്ധി വേണം. ഉപദേശിക്കാൻ ഇഎംഎസ് ഇല്ലാത്തതിന്റെ കുഴപ്പം ശരിക്കു കാണാനുണ്ട്.