കുട്ടിയുടെ കയ്യിലെ ‘ആം ബാൻഡ്’ ശ്രദ്ധിച്ചില്ലേ? നാവിലെ ശസ്ത്രക്രിയ ന്യായീകരണമില്ലാത്ത വീഴ്‌ച

നാലുവയസ്സുകാരിയുടെ ആറാം വിരലിന്റെ ശസ്ത്രക്രിയയ്ക്കു പകരം നാവിൽ ശസ്ത്രക്രിയ നടത്തിയ വാർത്ത ഒട്ടും സന്തോഷത്തോടെയല്ല പൊതുസമൂഹം കേൾക്കുക. എന്തു ന്യായീകരണമുണ്ടെങ്കിലും ഒരു ശസ്ത്രക്രിയയ്ക്കു പകരം മറ്റൊന്നു ചെയ്യുക എന്നതു വലിയ അപരാധമാണ്. കുടുംബത്തോടും കുട്ടിയോടും ഡോക്ടറും സഹായികളും നിരുപാധികം മാപ്പു പറഞ്ഞു എന്നത് ഏതു തെറ്റു വന്നാലും പിടിച്ചുനിൽക്കാൻ ശ്രമിക്കുന്ന ഈ കെട്ടകാലത്ത് സ്വാഗതാർഹം തന്നെയാണെങ്കിലും ഒരു കൊച്ചുകുട്ടിയുടെ ശരീരത്തിൽ നടത്തുന്ന ശസ്ത്രക്രിയപോലും അശ്രദ്ധമായി നിർവഹിക്കുന്നു എന്ന വസ്തുത ഡോക്ടർമാർക്കു മൊത്തത്തിൽ അവമതിപ്പുണ്ടാക്കി എന്നതു നിസ്തർക്കമാണ്. എന്താണ് ഇത്തരത്തിലുള്ള ഒരു സംഭവമുണ്ടാകാൻ കാരണം?