രണ്ടക്കം കാണാതെ 13 ഓവറുകൾ; ‘തല – ദളപതി’ കൂട്ടുകെട്ട് വിഫലം; ജയന്റ് ‘സ്ട്രൈക്കുമായി’ രാഹുൽ

‘തല – ദളപതി’മാരുടെ പോരാട്ടം വിഫലം, ക്ലാസിക് ഇന്നിങ്സിലൂടെ ചെന്നൈയിൽ നിന്ന് വിജയം തട്ടിയെടുത്ത് ലക്നൗ നായകൻ കെ.എൽ.രാഹുൽ. അവസാന ഓവറിൽ റൺ കൊടുങ്കാറ്റായ ‘തല’ ധോണിയും നങ്കൂരമിട്ട് മുന്നേറിയ ‘ദളപതി’ ജഡേജയുടെയും കരുത്തിൽ പടുത്തുയർത്തിയ 177 റൺസിന്റെ വിജയലക്ഷ്യം ലക്നൗ സൂപ്പർ ജയന്റ്സ് മറികടന്നത് 19 ഓവറിൽ 2 വിക്കറ്റ് മാത്രം നഷ്ടത്തിൽ. ലക്നൗവിന്റെ ഹോം ഗ്രൗണ്ടായ എ.ബി.വാജ്പേയി ഇകാന സ്റ്റേഡിയത്തിൽ നടന്ന മത്സരത്തിൽ ചെന്നൈയ്ക്കെതിരെ ലക്നൗവിന് 8 വിക്കറ്റ് വിജയം. ടോസ് നഷ്ടപ്പെട്ട് ആദ്യം ബാറ്റ് ചെയ്ത ചെന്നൈ 20 ഓവറിൽ 6 വിക്കറ്റ് നഷ്ടത്തിൽ 176 റൺസ് നേടിയപ്പോൾ ലക്നൗ 19 ഓവറിൽ 180 റൺസ് നേടി വിജയം വശത്താക്കി. ബാറ്റിങ് കരുത്തിൽ ടീമിനെ മുന്നിൽ നിന്ന് നയിച്ച രാഹുലാണ് പ്ലെയർ ഓഫ് ദ് മാച്ച്...