എസ്‌ബിഐ ക്രഡിറ്റ്‌ കാര്‍ഡ്‌ വഴിയുള്ള ഇഎംഐ ഇടപാടുകളുടെ ചെലവുയരും
Mail This Article
എസ്‌ബിഐ ക്രഡിറ്റ്‌ കാര്‍ഡ്‌ ഉപയോഗിക്കുന്നവരാണോ നിങ്ങള്‍? എങ്കില്‍ ഇന്ന് മുതല്‍ ഇഎംഐ ഇടപാടുകളുടെ ചെലവുയരും.
ഡിസംബര്‍ 1 മുതല്‍ ക്രഡിറ്റ്‌ കാര്‍ഡ്‌ ഉപയോഗിച്ചുള്ള എല്ലാ ഇഎംഐ ഇടപാടുകള്‍ക്കും 99 രൂപ പ്രോസസിങ്‌ ഫീസ്‌ ഈടാക്കാനാണ്‌ എസ്‌ബിഐയുടെ പുതിയ തീരുമാനം . ഇതിന്‌ പുറമെ സേവന നികുതിയും നല്‍കണം
എസ്‌ബിഐ ക്രഡിറ്റ്‌ കാര്‍ഡ്‌ ഉപയോഗിച്ച്‌ വിവിധ വ്യാപാര ഔട്ട്‌ലെറ്റുകള്‍, ഇ-കൊമേഴ്‌സ്‌ വെബ്‌സൈറ്റുകള്‍, ആപ്പുകള്‍ എന്നിവയിലെല്ലാം നടത്തുന്ന ഇഎംഐ ഇടപാടുകള്‍ക്ക്‌ ഇത്‌ ബാധകമായിരിക്കും. ക്രഡിറ്റ്‌ കാര്‍ഡ്‌ ഉപയോക്താക്കള്‍ക്ക്‌ ഇ-മെയില്‍ വഴി ഇത്‌ സംബന്ധിച്ചുള്ള അറിയിപ്പ്‌ നല്‍കിയിട്ടുണ്ടെന്ന്‌ ബാങ്ക്‌ പറഞ്ഞു.
അതായത് ഇനി മുതല്‍ എസ്‌ബിഐ ക്രഡിറ്റ്‌ കാര്‍ഡിന്റെ ഇഎംഐ സൗകര്യം ഉപയോഗിച്ച്‌ ഓണ്‍ലൈനായോ ഓഫ്‌ ലൈനായോ ഏത്‌ ഉത്‌പന്നം വാങ്ങിയാലും പ്രോസസിങ്‌ ഫീസായി 117 രൂപ ( 99 രൂപയും 18 % ജിഎസ്‌ടിയും ) അധികമായി നല്‍കേണ്ടി വരും.
കാര്‍ഡ്‌ കമ്പനികള്‍ ഈടാക്കുന്ന പലിശയ്‌ക്ക്‌ പുറമെ ആയിരിക്കും ഈ ഫീസ്‌. ഇതോടെ എസ്‌ബിഐ ക്രഡിറ്റ്‌ കാര്‍ഡ്‌ ഉപയോക്താക്കളുടെ ബൈ നൗ പേ ലേറ്റര്‍ സേവനവും ചെലവേറിയതാകും.
English Summary: SBI Credit Card EMI Expense will Go Up
