25 ലക്ഷം രൂപ വരെ അതിവേ​ഗ ഒ ഡി യുമായി ഐസിഐസിഐ ബാങ്ക്

ഐസിഐസിഐ ബാങ്ക് സൂക്ഷ്മ, ചെറുകിട, ഇടത്തരം സംരംഭങ്ങൾ(എംഎസ്എംഇ)ക്കായി സമ​ഗ്രമായ ഡിജിറ്റൽ ഇക്കോ സിസ്റ്റം ഇൻസ്റ്റാബിസ് ആരംഭിച്ചു. മറ്റ് ബാങ്കുകളുടെ ഇടപാടുകാർക്കും ഉപയോ​ഗിക്കാവുന്ന സംവിധാനമാണിത്. നിലവിലുള്ള ഇടപാടുകാർക്ക് കൂടുതൽ മെച്ചപ്പെട്ട ബാങ്കിങ് സേവനങ്ങൾ, മറ്റ് ബാങ്കുകളുടെ ഇടപാടുകാരായ എംഎസ്എംഇകൾക്ക് വിവിധ ബാങ്കിങ് സേവനങ്ങൾ, എല്ലാവർക്കും മൂല്യവർധിത സേവനങ്ങള്‍, 25 ലക്ഷം രൂപ വരെ അതിവേ​ഗ – കടലാസ് രഹിത ഓവർഡ്രാഫ്റ്റ് സൗകര്യം, ഉടനടി ഡിജിറ്റലായി കറൻറ് അക്കൗണ്ട് ആരംഭിക്കാനുള്ള സൗകര്യം എന്നിവയാണ് ചില പ്രത്യേകതകൾ. ബാങ്കുകൾ സ്വന്തം ഇടപാടുകാർക്ക് മാത്രം ലഭ്യമാക്കുന്ന സേവനങ്ങൾ മറ്റുള്ളവർക്കും നൽകുമെന്ന പ്രത്യേകതയുമുണ്ട്. 

​ഗൂ​​ഗിൾ പ്ലേ സ്റ്റോർ, ആപ്പിൾ ആപ് സ്റ്റോർ, ബാങ്കിന്‍റെ കോർപറേറ്റ് ഇന്‍റർനെറ്റ് ബാങ്കിങ് (സിഐബി) പ്ലാറ്റ്ഫോം എന്നിവയിൽ നിന്ന് ഇൻസ്റ്റാബിസ് ആപ്പിന്‍റെ പുതിയ പതിപ്പ് ഡൗൺലോഡ് ചെയ്ത് ഉപയോ​ഗിക്കാം. മറ്റ് ബാങ്കുകളുടെ ഇടപാടുകാരായ എംഎസ്എംഇകൾക്ക് ​ ‘ഗസ്റ്റ്’ ആയി ലോ​ഗിൻ ചെയ്ത് ഇത് ഉപയോ​ഗിക്കാം. 

English Summary : English Summary : ICICI Bank Introduced Digital Ecosystem for MSME Units