ചെറുകിട കച്ചവടക്കാര്‍ക്ക് ഗൂഗിൾ 'ചെറു വായ്പകൾ' നൽകുന്നു

രാജ്യത്തെ ചെറുകിട ബിസിനസുകളെ സഹായിക്കാൻ ഗൂഗിൾ ഇന്ത്യ 'ചെറു' ലോണുകൾ പ്രഖ്യാപിച്ചു. ഇന്ത്യയിലെ വ്യാപാരികൾക്ക് പലപ്പോഴും ചെറിയ ലോണുകൾ ആവശ്യമാണെന്ന് ഗൂഗിൾ ഇന്ത്യ  മനസിലാക്കിയതിനാലാണ് ഈ ഒരു മേഖലയിലേക്ക് ബിസിനസ് വ്യാപിപ്പിക്കുന്നത്.  ചെറുകിട ബിസിനസുകൾക്ക്  15,000 രൂപ പോലും ഗൂഗിൾ  വായ്പ നൽകും. അത് 111 രൂപയിൽ താഴെയുള്ള ലളിതമായ തിരിച്ചടവ് തുകയിൽ തിരിച്ചടയ്ക്കാം. ലോൺ സേവനങ്ങൾ നൽകുന്നതിന് ടെക് ഭീമൻ ഡിഎംഐ ഫിനാൻസുമായി സഹകരിക്കുന്നുണ്ട്. വ്യാപാരികളുടെ പ്രവർത്തന മൂലധന ആവശ്യകതകൾ പരിഹരിക്കാൻ സഹായിക്കുന്ന ePayLater-ന്റെ പങ്കാളിത്തത്തോടെ വ്യാപാരികൾക്കായി Google Pay ഒരു ക്രെഡിറ്റ് ലൈനും പ്രവർത്തനക്ഷമമാക്കി. 

∙വ്യാപാരികൾക്ക് അവരുടെ സ്റ്റോക്കും മറ്റും വാങ്ങാൻ ഇത് ഉപയോഗിക്കാം.

∙ഐസിഐസിഐ ബാങ്കുമായി സഹകരിച്ച് ഗൂഗിൾ ഇന്ത്യ യുപിഐയിൽ ക്രെഡിറ്റ് ലൈനുകൾ ആരംഭിച്ചിട്ടുണ്ട്. 

∙ആക്‌സിസ് ബാങ്കുമായി സഹകരിച്ച് Google Pay-യിലെ വ്യക്തിഗത വായ്പകളുടെ പോർട്ട്‌ഫോളിയോ Google ഇന്ത്യ വിപുലീകരിച്ചിട്ടുമുണ്ട്