ലോക്ഡൗണ് പ്രതിസന്ധി: സോണി വില കുറയ്ക്കുന്നു
Mail This Article
സോണി ഇന്ത്യ അവരുടെ ടെലിവിഷന് സെറ്റുകള്ക്ക് ഇന്ത്യയില് 20 ശതമാനം വരെ വില കുറച്ചു. കോവിഡ് പ്രശ്നം സൃഷ്ടിച്ച പ്രതിസന്ധിയില് ഉത്പന്നങ്ങള് കെട്ടിക്കിടക്കുന്നത് ഒഴിവാക്കുന്നതിന് വേണ്ടിയാണ് വില കുറയ്ക്കുന്നത്. രാജ്യം ലോക്ഡൗണിലേക്ക് പോയിട്ട് ഇപ്പോള് ഏഴ് ആഴ്ചയായി. ഈ സാഹചര്യത്തില് ലോക്ഡൗണ് പിന്വലിക്കുന്നതുവരെ കാത്തിരിക്കാതെ രാജ്യത്തെ എല്ലാ സോണി സ്റ്റോറുകളേയും ബന്ധിപ്പിച്ച് ഓണ്ലൈന് ഷോപ്പിങും ആരംഭിച്ചിട്ടുണ്ട്. 32 ഇഞ്ച് വലിപ്പമുള്ള ബേസ് മോഡല് സ്ക്രീന് ടെലിവിഷന്റെ വിലയില് 11 ശതമാനമാണ് കുറവ് വരുത്തിയിരിക്കുന്നത്.
രാജ്യത്തെ സോണിക്ക് വേണ്ടി മാത്രമുള്ള 188 വലിയ ഷോപ്പുകളെ പരസ്പരം ബന്ധിപ്പിച്ച് ഇ-പ്ലാറ്റ് ഫോം രൂപീകരിച്ചിട്ടുണ്ട്. ഇതിലൂടെ വാങ്ങുന്നവര്ക്ക് കടകളില് പോകാതെ തന്നെ തൊട്ടടുത്ത സോണി ഷോറൂമില് നിന്ന് ഉത്പന്നങ്ങള് എത്തിച്ച് നല്കും. മറ്റ് പ്രമുഖ ബ്രാന്ഡുകളായ സാംസങ്, എല് ജി, വിവോ അടക്കമുള്ള കമ്പനികളും കോവിഡ് കാലത്ത് ഇതുപോലെ ഉത്പന്നങ്ങള് വീടുകളില് എത്തിച്ച് നല്കുന്നുണ്ട്.
English Summery:Sony is reducing Prices