മീഷോ മെഗാ ബ്ലോക്ക്ബസ്റ്റര്‍ സെയില്‍ സെപ്റ്റംബര്‍ 23 മുതല്‍ 27 വരെ
Mail This Article
ഇ കൊമേഴ്സ് കമ്പനിയായ മീഷോ സെപ്റ്റംബര്‍ 23 മുതല്‍ 27 വരെ മെഗാ ബ്ലോക്ക്ബസ്റ്റര്‍ സെയില്‍ പ്രഖ്യാപിച്ചു. 30ത് വിഭാഗങ്ങളിലായി ഏഴു ലക്ഷത്തിലധികം വില്‍പ്പനക്കാരും ആറരക്കോടി ഉല്‍പ്പന്ന ലിസ്റ്റിങുമുള്ള മീഷോ കുറഞ്ഞ വിലയില്‍ മനസിനിണങ്ങിയ ഉല്‍പ്പന്നം കണ്ടെത്താന്‍ ഉപഭോക്താക്കളെ സഹായിക്കുന്നു.
ഈ വര്‍ഷത്തെ ഉത്സവ വില്‍പ്പനയ്ക്ക് മുന്നോടിയായി മലയാളം, ബംഗാളി, തെലുങ്ക്, മറാഠി, തമിഴ്, ഗുജറാത്തി, കന്നഡ, ഒഡിയ എന്നിങ്ങനെ എട്ട് പുതിയ പ്രാദേശിക ഭാഷകള്‍ മീഷോ ആപ്പില്‍ ചേര്‍ത്തിട്ടുണ്ട്. ഈ ഉത്സവകാല വില്‍പ്പനയില്‍ ചെറുകിട ബിസിനസുകളില്‍ നിന്നുള്ള പങ്കാളിത്തം കഴിഞ്ഞ വര്‍ഷത്തെ അപേക്ഷിച്ച് 4 മടങ്ങ് പ്രതീക്ഷിക്കുന്നു.
പേയ്മെന്‍റുകള്‍ക്കും ബാങ്ക് ഡിസ്കൗണ്ട് തുടങ്ങിയവയ്ക്കായി ഫോണ്‍പേ, പേടിഎം പോലുള്ള പ്രധാന വാലറ്റുകളുമായി മീഷോ പങ്കാളിത്തം സ്ഥാപിച്ചിട്ടുണ്ട്. കൂടാതെ 'സിംപിള്‍ ആന്‍ഡ് ലേസി പേ' മുഖേന 'ബൈ നൗ പേ ലേറ്റര്‍' പ്രത്യേക ഓഫറുകളും ലഭ്യമാക്കിയിട്ടുണ്ട്.
English Summary : Meesho Block Buster Sale will Start on this Friday
