ഇനി മുതൽ ലിങ്ക്ഡ് ഇനും ആധാറുമായി ബന്ധിപ്പിക്കണം
![LINKEDIN-M&A/MICROSOFT LINKEDIN-M&A/MICROSOFT](https://img-mm.manoramaonline.com/content/dam/mm/mo/education/horizon/images/2022/2/21/linked-in.jpg?w=1120&h=583)
Mail This Article
ലിങ്ക്ഡ്ഇൻ ഇന്ത്യയിൽ ആധാർ നമ്പർ വഴി പുതിയ ഐഡന്റിറ്റി വെരിഫിക്കേഷൻ ഫീച്ചർ അവതരിപ്പിച്ചു. ഇന്ത്യയിലെ സർക്കാർ ഐഡികൾക്കായുള്ള ഡിജിറ്റൽ വോലറ്റായ DigiLocker ഉപയോഗിക്കുന്ന ഐഡന്റിറ്റി വെരിഫിക്കേഷൻ സേവനമായ HyperVerge ആണ് ഐഡി സ്ഥിരീകരണ പ്രക്രിയ കൈകാര്യം ചെയ്യുന്നത്. ഈ സ്ഥിരീകരണം ഉപയോക്താവിന്റെ LinkedIn പ്രൊഫൈലിൽ കാണിക്കും. ആധാർ കാർഡ് ഇല്ലാത്തവർക്ക് അവരുടെ ഇമെയിൽ വഴിയോ ജോലിസ്ഥലത്തെ ക്രെഡൻഷ്യലുകൾ വഴിയോ പരിശോധിക്കാൻ തിരഞ്ഞെടുക്കാം.
പ്രാധാന്യം
ആധാർ അടിസ്ഥാനമായ ഈ സ്ഥിരീകരണം കൂടുതൽ പ്രൊഫഷണൽ അവസരങ്ങൾ കണ്ടെത്താന് സഹായിക്കുമെന്നും പ്രൊഫഷണൽ കമ്മ്യൂണിറ്റിയുമായി വിശ്വാസം വളർത്തിയെടുക്കാൻ സഹായിക്കുമെന്നും LinkedIn പറയുന്നു. എന്നാൽ സ്വകാര്യ കമ്പനികൾ ഇ-കെവൈസി ആവശ്യങ്ങൾക്കായി ആധാർ ഉപയോഗിക്കേണ്ടതില്ല എന്നത് ശ്രദ്ധിക്കേണ്ടതാണ്.
2018 ലെ സുപ്രീം കോടതി വിധി അനുസരിച്ച്, ഇ-കെവൈസിക്ക് ആധാർ നമ്പറുകൾ ഉപയോഗിക്കുന്നത് ഒരു വ്യക്തിയുടെ ബയോമെട്രിക്, ഡെമോഗ്രാഫിക് വിവരങ്ങൾ സ്വകാര്യ സ്ഥാപനങ്ങൾ വാണിജ്യപരമായി ചൂഷണം ചെയ്യാൻ ഇടയാക്കും എന്ന ആശങ്ക ഉണ്ട്. ഈ ആശങ്ക ലിങ്ക്ഡ്ഇൻ പോലുള്ള കമ്പനികൾകൂടി ആധാർ ലിങ്ക് ചെയ്യുമ്പോൾ ഉണ്ടാകാൻ സാധ്യതയുണ്ട്.
ലിങ്ക്ഡ്ഇൻ ഈ വർഷം ആദ്യം യുഎസിൽ സമാനമായ ഒരു സ്ഥിരീകരണ നയം അവതരിപ്പിച്ചിരുന്നു. എന്നാൽ അവർ ഇന്ത്യയിൽ ചെയ്യുന്നത് പോലെയല്ല, യുഎസ് ഉപയോക്താക്കൾക്ക് അവർ ഉപയോഗിക്കേണ്ട ഒരു നിർദ്ദിഷ്ട സർക്കാർ ഐഡി ഇല്ലായിരുന്നു. അതുകൊണ്ടു ഇന്ത്യയിൽ മാത്രം എന്തുകൊണ്ട് ലിങ്ക്ഡ് ഇൻ ഉപഭോക്താക്കൾക്ക് സർക്കാർ ഐ ഡി യുമായി ലിങ്ക് ചെയ്യേണ്ട കാര്യം എന്ന് പലരും ചോദ്യം ചെയ്യുന്നുണ്ട്.
English Summary : Linkedin Aadhar linking