ഏകീകൃത ഗൾഫ് വീസ രണ്ടു വർഷത്തിനകം

അബുദാബി/മസ്കത്ത് ∙ ഒറ്റ വീസയിൽ 6 ജിസിസി രാജ്യങ്ങളും സന്ദർശിക്കാവുന്ന ഏകീകൃത ഗൾഫ് ടൂറിസ്റ്റ് വീസ 2 വർഷത്തിനകം യാഥാർഥ്യമാകും. വിനോദസഞ്ചാര രംഗത്ത് വൻ നേട്ടമുണ്ടാക്കുന്ന പദ്ധതി 2 വർഷത്തിനകം യാഥാർഥ്യമാകുമന്ന് ഒമാനിൽ നടന്ന ജിസിസി ഉച്ചകോടിയിൽ യുഎഇ സാമ്പത്തിക മന്ത്രി അബ്ദുല്ല ബിൻ തൗഖ് അറിയിച്ചു. 2030 ആകുമ്പോൾ 12.87 കോടി ടൂറിസ്റ്റുകളെ ഗൾഫിൽ എത്തിക്കുകയാണ് ലക്ഷ്യം. വീസാ കാലാവധിക്കകം ഓരോ രാജ്യത്തും നിശ്ചിത ദിവസം താമസിച്ച് വിനോദസഞ്ചാര കേന്ദ്രങ്ങൾ സന്ദർശിച്ച് അയൽ രാജ്യത്തേക്കു പോകാം. ഇതിനായി പ്രത്യേക നടപടിക്രമങ്ങൾ വേണ്ട എന്നതും സഞ്ചാരികൾക്ക് ഗുണകരമാകും.