നേട്ടത്തിൽ മുന്നിൽ ബാങ്ക് ഓഫ് മഹാരാഷ്ട്ര

കൊച്ചി ∙ നടപ്പു സാമ്പത്തിക വർഷത്തിന്റെ രണ്ടാം പാദത്തിലെ വായ്പ, നിക്ഷേപ വളർച്ചയിൽ ബാങ്ക് ഓഫ് മഹാരാഷ്ട്ര  പൊതുമേഖലയിലെ മറ്റു ബാങ്കുകളേക്കാൾ ഉയർന്ന നിരക്കു കൈവരിച്ചു.  ബാങ്കിന്റെ  നിക്ഷേപവും വായ്പയും 20 ശതമാനത്തിലധികമാണു വർധിച്ചത്.

ബാങ്കിന്റെ മൊത്തം വായ്പ 23.55 ശതമാനവും നിക്ഷേപം 22.18 ശതമാനവും വർധിച്ചു. കുറഞ്ഞ നിരക്കിലുള്ള കറന്റ് അക്കൗണ്ട്, സേവിങ്സ് അക്കൗണ്ട് (കാസ) നിക്ഷേപം നേടുന്നതിൽ ബാങ്ക് ഒന്നാം സ്ഥാനം നിലനിർത്തി: 50.71%.