സ്വർണവില വീണ്ടുമുയര്‍ന്നു

സംസ്ഥാനത്ത് ഇന്നും സ്വർണ വില വർധിച്ചു. ഗ്രാമിന് 15 രൂപയും പവന് 120 രൂപയും വർധിച്ച് ഗ്രാമിന് 5,830 രൂപയിലും പവന് 46,640 രൂപയിലുമാണ് വെള്ളിയാഴ്ച വ്യാപാരം പുരോഗമിക്കുന്നത്. ഗ്രാമിന് 15 രൂപയും പവന് 120 രൂപയും വർധിച്ച്  5,815 രൂപയിലും, 46,520 രൂപയിലുമാണ് വ്യാഴാഴ്ച വ്യാപാരം നടന്നത്.

രാജ്യാന്തര വിപണിയിൽ യു എസ് ഫെഡ് നിരക്ക് മാറ്റമില്ലാതെ നില നിർത്തിയത് സ്വർണവിലയിൽ സ്വാധീനം ചെലുത്തും. മാർച്ചിലും നിരക്ക് കുറയ്ക്കാനുള്ള സാധ്യത വിരളമാണെന്നാണ് റിപ്പോർട്ട്.