നാല് ദിവസമായി സ്വർണ വിലയിൽ മാറ്റമില്ല

സംസ്ഥാനത്ത് വ്യാഴാഴ്ചയും സ്വർണവിലയിൽ മാറ്റമില്ല. ഗ്രാമിന് 5,760 രൂപയിലും പവന് 46,080 രൂപയിലുമാണ് നാല് ദിവസമായി വ്യാപാരം പുരോഗമിക്കുന്നത്. ഗ്രാമിന് 10 രൂപയും പവന് 80 രൂപയും വർധിച്ച് തിങ്കളാഴ്ചയാണ് ഈ നിരക്കിലേക്ക് സ്വർണം എത്തിയത്. ഫെബ്രുവരി മാസത്തിൽ വിപണിയിൽ ചാഞ്ചാട്ടം ആയിരുന്നു.ഈ മാസത്തെ ഏറ്റവും കൂടിയ വില ഫെബ്രുവരി 2 ന് രേഖപ്പെടുത്തിയ ഗ്രാമിന്  5,830 രൂപയും പവന് 46,640 രൂപയുമാണ്. ഈ മാസത്തെ ഏറ്റവും കുറഞ്ഞ വില ഫെബ്രുവരി 15 ന് രേഖപ്പെടുത്തിയ ഗ്രാമിന് 5,690 രൂപയും പവന് 45,520 രൂപയുമാണ്. അതേ സമയം കഴിഞ്ഞ 30 ദിവസത്തിനിടെ രാജ്യാന്തര സ്വർണവിലയിൽ 0.23%  വർധനയുണ്ടായി.