കർഷകർക്കാശ്വാസം, മുളകിനും റബറിനും നേട്ടം

ഈ ആഴ്ചയിൽ സംസ്ഥാനത്ത് കുരുമുളകിന് നേട്ടം. സംസ്ഥാനത്ത് കുരുമുളക് അൺഗാർബിൾഡിന് വില 50,200 രൂപയായിരുന്നത് ഇന്ന് 400 രൂപ വർധിച്ച് 50,600രൂപയായി. റബർ വിലയും ഉയർന്നു. മറ്റ് കാർഷികോൽപ്പന്നങ്ങളുടെ വിലയിൽ കാര്യമായ മാറ്റമില്ല. കുരുമുളക് ഗാർബിൾഡിന് 52200 രൂപയായിരുന്നതും 400 രൂപ നേട്ടത്തിൽ 52600 രൂപയായി. റബര്‍ ആർ എസ് എസ് നാല് കോട്ടയം വ്യാപാരി വില 17000 രൂപയായിരുന്നത് 17300 രൂപയായി. അതേസമയം ആർ എസ് എസ് അഞ്ചിന് വില 16500 രൂപയായിരുന്നത് 16700 രൂപയായി.