ആഭരണം വാങ്ങാനിരിക്കുന്നവർക്ക് ആശ്വാസം, വില താഴേയ്ക്ക്

സ്വർണാഭരണ പ്രേമികൾക്ക് ആശ്വാസമായി സംസ്ഥാനത്ത്  സ്വർണ വില ഇടിയുന്നു. നാല് ദിവസം ഏറ്റവും ഉയർന്ന രണ്ടാമത്തെ നിരക്കിൽ തുടർന്ന ശേഷമാണ് ഇന്ന് വിലയിടിഞ്ഞത്. ഗ്രാമിന് 25 രൂപയും പവന് 200 രൂപയും കുറഞ്ഞ് ഗ്രാമിന് 6,035 രൂപയിലും പവന് 48,280 രൂപയിലുമാണ് തിങ്കളാഴ്ച വ്യാപാരം പുരോഗമിക്കുന്നത്. നാല് ദിവസമായി  ഗ്രാമിന് 6,060 രൂപയിലും പവന് 48,480 രൂപയിലുമാണ്  വ്യാപാരം നടന്നത്. മാർച്ച്‌ 1 ന് രേഖപ്പെടുത്തിയ ഒരു ഗ്രാമിന് 5,790 രൂപയും, പവന് 46320 രൂപയുമാണ്  ഈ മാസത്തെ ഏറ്റവും കുറഞ്ഞ നിരക്ക്

രാജ്യാന്തര വിപണിയിൽ അമേരിക്കൻ ഫെഡ് യോഗം അടുത്ത ആഴ്ച നടക്കാനിരിക്കെ ബോണ്ട് യീൽഡ് മുന്നേറിയത് കഴിഞ്ഞ ആഴ്ചയിൽ സ്വർണത്തിനും നേട്ടമായി. വെള്ളിയാഴ്ച ക്ലോസ് ചെയ്ത രാജ്യാന്തര സ്വർണ വില 2159 ഡോളർ ആയിരുന്നു. ഫെഡ് മീറ്റിങിന് മുന്നോടിയായി സ്വർണവും വലിയ ചാഞ്ചാട്ടം പ്രതീക്ഷിക്കുന്നു.