കുരുമുളകിന് വില കുറഞ്ഞു, റബറിന് നേരിയ നേട്ടം

സംസ്ഥാനത്ത് കുരുമുളകിന് വില കുറഞ്ഞു. സംസ്ഥാനത്ത് കുരുമുളക് അൺഗാർബിൾഡിന് വില 50,300 രൂപയായിരുന്നത് ഇന്ന് 300 രൂപ കുറഞ്ഞ് 50,000രൂപയായി. അതേസമയം റബർ വിലനേരിയ നേട്ടത്തിലാണ്. മറ്റ് കാർഷികോൽപ്പന്നങ്ങളുടെ വിലയിൽ കാര്യമായ മാറ്റമില്ല.

കുരുമുളക് ഗാർബിൾഡിന് 52300 രൂപയായിരുന്നത് 300 രൂപ കുറഞ്ഞ് 52000 രൂപയായി. റബര്‍ ആർ എസ് എസ് നാല് കോട്ടയം വ്യാപാരി വില 18100 രൂപയായി മാറ്റമില്ലാതെ തുടരുന്നു. അതേസമയം ആർ എസ് എസ് അഞ്ചിന് വില 17500 രൂപയായിരുന്നത് 200 രൂപ ഉയർന്ന് 17700 രൂപയായി.