കുരുമുളകിന് നേരിയ നേട്ടം, റബറിന് വില കുറഞ്ഞു

സംസ്ഥാനത്ത് കുരുമുളകിന് വില ഉയർന്നു. കുരുമുളക് അൺഗാർബിൾഡിന് വില 50,000 രൂപയായിരുന്നത് ഇന്ന് 100 രൂപ കൂടി 50100 രൂപയായി. അതേസമയം റബർ വില കുറഞ്ഞു. മറ്റ് കാർഷികോൽപ്പന്നങ്ങളുടെ വിലയിൽ കാര്യമായ മാറ്റമില്ല. കുരുമുളക് ഗാർബിൾഡിന് 52000 രൂപയായിരുന്നത് 100 രൂപ കൂടി 52100 രൂപയായി. റബര്‍ ആർ എസ് എസ് നാല് കോട്ടയം വ്യാപാരി വില 200 രൂപ കുറഞ്ഞ്17900 രൂപയായി. അതേസമയം ആർ എസ് എസ് അഞ്ചിന് വില 17700 രൂപയായിരുന്നത് 200 രൂപ കുറഞ്ഞ് 17500 രൂപയായി.