ഇന്നു സ്വർണ വിലയിൽ മാറ്റമില്ല, റെക്കോർഡ് വില തുടരുന്നു

സംസ്ഥാനത്ത് സ്വർണ വിലയിൽ മാറ്റമില്ല. ഗ്രാമിന് 6795 രൂപയിലും പവന് 54360 രൂപയിലും എന്ന റെക്കോർഡ് നിരക്കിലാണ് ബുധനാഴ്ച വ്യാപാരം തുടരുന്നത്. ഗ്രാമിന് 90 രൂപയും പവന് 720 രൂപയും  വർധിച്ച്  ഇന്നലെയാണ് സ്വർണം ഈ നിരക്കിൽ എത്തിയത്.സംസ്ഥാനത്ത് ആദ്യമായി സ്വർണ വില 54,000 ത്തിന് മുകളിലേക്ക് എത്തിയതും ഇന്നലെയാണ്.

ഏപ്രിൽ മാസത്തിന്റെ തുടക്കത്തിൽ 50,880ൽ വ്യാപാരം തുടങ്ങിയ സ്വർണമാണ് ഇന്ന് 54,360ൽ എത്തി നിൽക്കുന്നത്. ഈ മാസം ഇത് വരെ പവന്  3,680 രൂപ വർധിച്ചിട്ടുണ്ട്. രാജ്യാന്തര വിപണിയിൽ  ഇറാൻ-ഇസ്രയേൽ യുദ്ധഭീതിയാണ് നിലവിലെ സ്വർണ വില  വർധിക്കാൻ കാരണമായത്.