സ്വർണ വില രണ്ടാമത്തെ ദിവസവും ഉയർന്നു

സംസ്ഥാനത്ത് സ്വർണ വില വീണ്ടും ഉയർന്നു. ഗ്രാമിന് 15 രൂപ കൂടി 4580 രൂപയും പവന് 120 രൂപ കൂടി 36640 രൂപയുമാണ് ബുധനാഴ്ച രേഖപ്പെടുത്തിയത്. തുടർച്ചയായ മൂന്ന് ദിവസത്തെ വിലയിടിവിന് ശേഷം ചൊവ്വാഴ്ച സ്വർണ വിപണിയിൽ നേരിയ ഉണർവ് ഉണ്ടായത്. ഗ്രാമിന് 15 രൂപ കൂടി  4565 രൂപയും പവന് 120 കൂടി 36520 രൂപയുമാണ് ചൊവ്വാഴ്ച വർധിച്ചത് . ജനുവരി മാസത്തെ ഏറ്റവും കുറഞ്ഞ വിലയിൽ വ്യാപാരം നടന്ന സ്വർണത്തിനാണ് ചൊവ്വാഴ്ച നേരിയ വർധന ഉണ്ടായത്. ജനുവരി 16 മുതൽ പവന് 36400 രൂപയും ഗ്രാമിന് 4550 രൂപയും ആയിരുന്നു  സ്വ‍ർണ നിരക്ക്. ഈ വർഷം ഇന്ത്യയിൽ സ്വർണ ആവശ്യം ഉയരുമെന്ന് ലോക ഗോൾഡ് കൗൺസിൽ പ്രതീക്ഷിക്കുന്നു.

English Summary : Gold Price Today