പിടിച്ചു നിൽക്കാനാകാതെ സ്വർണം താഴേയ്ക്ക്
Mail This Article
പിടിച്ചു നിൽക്കാനാകാതെ സംസ്ഥാനത്ത് സ്വർണ വില വീണ്ടും കുറഞ്ഞു. ഗ്രാമിന് 30 രൂപ കുറഞ്ഞ് 4425 രൂപയും പവന് 240 രൂപ കുറഞ്ഞ് 35,400 രൂപയും ആണ് വ്യാഴാഴ്ച രേഖപ്പെടുത്തിയിരിക്കുന്നത്. സംസ്ഥാനത്ത് തുടർച്ചയായി മൂന്ന് ദിവസം സ്വർണ വില സ്ഥിരത പ്രാപിച്ച ശേഷം ഗ്രാമിന് ചൊവാഴ്ച 60 രൂപയുടെയും ബുധനാഴ്ച 10 രൂപയുടെയും വർധന ഉണ്ടായെങ്കിലും ഈ പ്രവണത തുടരാനാകാതെ ഇന്നലെ വില വീണ്ടും താഴേയ്ക്കു പോയി. പവന് 35,640 രൂപയായിരുന്നു വ്യാഴാഴ്ച വിപണിയിൽ. കഴിഞ്ഞ വെള്ളിയാഴ്ച 7 മാസത്തിലെ ഏറ്റവും കുറഞ്ഞ വിലയായ 35000 രൂപയ്ക്ക് വ്യാപാരം അവസാനിപ്പിച്ച സ്വർണത്തിന് ശനിയാഴ്ചയാണ് വർധനയുണ്ടായത്.
കടുത്ത ചാഞ്ചാട്ടമാണ് സ്വർണത്തിന് ഈ വർഷം തുടക്കം മുതൽ രേഖപ്പെടുത്തുന്നത്. കേന്ദ്ര ബജറ്റിൽ സ്വര്ണത്തിനും വെള്ളിക്കും ഇറക്കുമതി തീരുവ വെട്ടിക്കുറച്ചതാണ് ഇന്ത്യയില് സ്വര്ണവില കുറയാനുള്ള കാരണങ്ങളിലൊന്ന്. അമേരിക്കൻ ഉത്തേജക പാക്കേജ് പ്രഖ്യാപിക്കുന്നതോടെയേ രാജ്യാന്തര സ്വർണവിലയിൽ കാര്യമായ മാറ്റമുണ്ടാകുവെന്ന് വിദഗ്ധർ മുന്നറിയിപ്പ് നൽകുന്നു.
English Summary: Gold Price Today