സ്വർണവില ഈ മാസത്തെ ഉയർന്ന നിലയിൽ
Mail This Article
സംസ്ഥാനത്ത് സ്വർണ വില വർധിച്ചു. ഗ്രാമിന് 30 രൂപയും പവന് 240 രൂപയും വർധിച്ചു ഗ്രാമിന് 4400 രൂപയും പവന് 35,200 രൂപയും ആണ് വെള്ളിയാഴ്ച രേഖപ്പെടുത്തിയിരിക്കുന്നത്. ഈ മാസത്തെ എറ്റവും ഉയർന്ന നിരക്കിലാണ് ഇന്ന് വ്യാപാരം പുരോഗമിക്കുന്നത്. വെള്ളി ഗ്രാമിന് 73 രൂപയാണ്. സ്വർണത്തിന് ഏറ്റവും കുറഞ്ഞ നിരക്ക് പവന് ഏപ്രിൽ 1 ന് രേഖപ്പെടുത്തിയ 33,320 രൂപയാണ്. ഗ്രാമിന് 10 രൂപയും പവന് 80 രൂപയും കുറഞ്ഞ് യഥാക്രമം 4370 രൂപയും പവന് 34,960 രൂപയും ആയിരുന്നു വ്യാഴാഴ്ച രേഖപ്പെടുത്തിയിരുന്നത്.ഇതിനു മുൻപ് ഈ മാസത്തെ ഏറ്റവും ഉയർന്ന വില രേഖപ്പെടുത്തിയത് വിഷുദിനത്തിലായിരുന്നു. ഗ്രാമിന് 4380 രൂപയും പവന് 35,040 രൂപയുമായിരുന്നു അന്ന്. അതേ സമയം രാജ്യാന്തര വിപണിയിൽ ഔൺസിന് 1760 ഡോളറിന് മുകളിൽ എത്തിയ സ്വർണവില 1780 ഡോളർ കടന്ന് 1800 ഡോളറിലേക്ക് പെട്ടെന്ന് തന്നെ എത്തുമെന്ന് കരുതുന്നതായും വിപണി സാഹചര്യങ്ങൾ മഞ്ഞ ലോഹത്തിന് അനുകൂലമാണെന്നും വിദഗ്ധർ പറയുന്നു.
English Summary : Gold Price Today in Kerala