സംസ്ഥാനത്ത് അഞ്ചാം ദിവസവും സ്വർണ വിലയിൽ മാറ്റമില്ല
Mail This Article
സംസ്ഥാനത്ത് തിങ്കളാഴ്ചയും സ്വർണവിലയിൽ മാറ്റമില്ല. മെയ് 20 മുതൽ ഒരേ വില തുടരുന്നു. ഗ്രാമിന് 4560 രൂപയിലും പവന് 36,480 രൂപയിലുമാണ് ഇന്ന് വ്യാപാരം പുരോഗമിക്കുന്നത്. കഴിഞ്ഞ രണ്ടുമാസത്തിലേ ഏറ്റവും ഉയർന്ന വിലയാണിത്. മാർച്ചിൽ ഏറ്റവും ഉയർന്ന വിലയായി രേഖപ്പെടുത്തിയത് 34,440 രൂപയും, ഏപ്രിൽ മാസം ഏറ്റവും ഉയർന്ന വിലയായി രേഖപ്പെടുത്തിയത് 36,080 രൂപയും ആയിരുന്നു. ഈ മാസം സ്വർണത്തിന് ഏറ്റവും കുറഞ്ഞ വില രേഖപ്പെടുത്തിയത് മെയ് 1, 2 തീയതികളിലാണ്.പവന് 35,040 എന്ന നിരക്കായിരുന്നു. രാജ്യാന്തര വിപണിയിൽ സ്പോട്ട് ഗോൾഡ് 0.1 ശതമാനം ഉയർന്ന് ഔൺസിന് 1,882.10 ഡോളറിലെത്തി. സ്വർണം 1880 ഡോളർ മേഖലയിൽ ക്രമപ്പെടുന്നത് അടുത്ത അവസരത്തിനായിട്ടാണ്. സോവറിൻ ഗോൾഡ് ബോണ്ടിന്റെ രണ്ടാം ഘട്ടം ഇന്നു മുതൽ 28ാം തിയതി വരെ നടക്കും.
English Summary : Gold Price Today in Kerala