ഈ മാസത്തെ ഉയർന്ന വിലയിൽ സ്വർണം

സംസ്ഥാനത്ത് ചൊവ്വാഴ്ച സ്വർണ വില വർദ്ധിച്ചു. ഈ മാസം രേഖപ്പെടുത്തുന്ന ഏറ്റവും ഉയർന്ന വിലയിലാണ് ഇന്ന് വ്യാപാരം നടക്കുന്നത്. ഗ്രാമിന് 20 രൂപയും പവന് 160 രൂപയുമാണ് ഇന്ന് വർദ്ധിച്ചത്. ഇതോടെ ഗ്രാമിന് 4,540 രൂപയും പവന് 36,320 രൂപയും ആയി. ഗ്രാമിന്  4,520  രൂപയിലും പവന് 36,160 രൂപയിലുമാണ് തിങ്കളാഴ്ച വ്യാപാരം നടന്നത്.ഏറ്റവും കുറഞ്ഞ വില ഫെബ്രുവരി ഒന്നിനും, രണ്ടിനും രേഖപ്പെടുത്തിയ ഗ്രാമിന് 4,490 രൂപയും പവന് 35,920 രൂപയുമാണ്. രാജ്യാന്തരവിപണിയിൽ പ്രതീക്ഷിച്ചിരുന്നത് പോലെ ബോണ്ട്  മുന്നേറിയപ്പോഴും സ്വർണവും ഇന്നലെ മുന്നേറ്റം തുടർന്നു. ഓഹരി വിപണിയിലെ ആശങ്കകളും, ഉക്രൈൻ യുദ്ധ ഭീതിയും സ്വർണത്തിന് അനുകൂലമാണ്.

English Summary: Gold Price Today in Kerala