തിങ്കളാഴ്ച സ്വർണ വിലയിൽ മാറ്റമില്ല

സംസ്ഥാനത്ത് തിങ്കളാഴ്ച സ്വർണ വിലയിൽ മാറ്റമില്ല. ഗ്രാമിന് 4,900 രൂപയിലും പവന് 39,200 രൂപയിലുമാണ് ഇന്ന് വ്യാപാരം പുരോഗമിക്കുന്നത്. ശനിയാഴ്ചയാണ് ഗ്രാമിന് 30 രൂപയും പവന് 240 രൂപയും കുറഞ്ഞ് സ്വർണ വില ഈ നിരക്കിലേക്കെത്തിയത്.ഏപ്രിൽ 18,19 തീയതികളിൽ രേഖപ്പെടുത്തിയ ഗ്രാമിന് 4,985 രൂപയും  പവന് 39,880 രൂപയുമാണ് ഈ മാസത്തെ  ഏറ്റവും ഉയർന്ന വില. ഈ മാസത്തെ ഏറ്റവും കുറഞ്ഞ നിരക്ക് ഏപ്രില്‍ നാലു മുതല്‍ ആറ് വരെ രേഖപ്പെടുത്തിയ ഗ്രാമിന് 4,780  രൂപയും പവന് 38,240 രൂപയുമാണ്. രാജ്യാന്തര വിപണിയിൽ അമേരിക്കൻ 10 വർഷ ബോണ്ട് വരുമാനം 2.90% ശതമാനത്തിന് താഴേക്ക് പോന്നത് സ്വർണത്തിന് ഇന്ന് അനുകൂലമായേക്കാം.1930 ഡോളറിൽ താഴെ വന്ന രാജ്യാന്തര സ്വർണ വില 1900 ഡോളറിൽ ക്രമപ്പെട്ടേക്കാം.

English Summary : Gold Price Today in Kerala