മുന്നേറ്റത്തിനു ശേഷം സ്വർണവില താഴേയ്ക്ക്

HIGHLIGHTS
  • ഗ്രാമിന് 30 രൂപ ഇടിഞ്ഞ് 4930 രൂപയായി
Gold -bangle
SHARE

സംസ്ഥാനത്ത് സ്വർണവില ഇടിഞ്ഞു. നാല് ദിവസത്തെ ഇടവേളക്ക് ശേഷമാണ് ഇന്ന് വിലയിടിഞ്ഞത്. ഗ്രാമിന് 30 രൂപയും പവന് 240 രൂപയും ഇടിഞ്ഞു ഗ്രാമിന് 4,930 രൂപയിലും പവന്  39,440 രൂപയിലുമാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 15 രൂപയും പവന് 120 രൂപയും വർധിച്ച് ഗ്രാമിന് 4,960 രൂപയിലും പവന് 39,680 രൂപയിലുമാണ് തിങ്കളാഴ്ച വ്യാപാരം നടന്നത്. ഈ മാസത്തെ ഏറ്റവും ഉയർന്ന വിലയാണിത്. ഏറ്റവും കുറഞ്ഞ വില ഡിസംബർ 1ന് രേഖപ്പെടുത്തിയ ഗ്രാമിന് 4,875 രൂപയും പവന് 39,000 രൂപയുമാണ്. ഈ മാസം ഇത് വരെ ഗ്രാമിന് വർധിച്ചത് 85 രൂപയും പവന് 680 രൂപയുമാണ്.

രാജ്യാന്തര വിപണിയിൽ ഫെഡ് നിരക്കുയർത്തൽ ഭീഷണിയിൽ ബോണ്ട് യീൽഡ് മുന്നേറിയത് ഇന്നലെ സ്വർണത്തിന് വീഴ്ച നൽകിയിരുന്നു. ഔൺസിന് 1780 ഡോളറിലേക്കിറങ്ങിയ സ്വർണ വില 1760 ഡോളറിൽ പിന്തുണ പ്രതീക്ഷിക്കുന്നു. ബോണ്ട് യീൽഡ് ക്രമപ്പെട്ടാൽ സ്വർണം മുന്നേറ്റം കുറിച്ചേക്കും.

English Summary : Gold Price Today in Kerala

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

Happy Home | ഈ വീട് നിങ്ങളെ സന്തോഷിപ്പിക്കും! 

MORE VIDEOS