സംസ്ഥാനത്ത് സ്വർണവില ബുധനാഴ്ച കുറഞ്ഞു. ഇന്നലെ കുത്തനെ ഉയർന്ന സ്വർണവിലയാണ് ബുധനാഴ്ച ഇടിഞ്ഞത്. ഗ്രാമിന് 10 രൂപയും പവന് 80 രൂപയും കുറഞ്ഞു ഗ്രാമിന് 5,305 രൂപയിലും പവന് 42,440 രൂപയിലുമാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 70 രൂപയും പവന് 560 രൂപയും വർധിച്ചു ഗ്രാമിന് 5,315 രൂപയിലും പവന് 42,520 രൂപയിലുമാണ് ഇന്നലെ വ്യാപാരം നടന്നത്. എക്കാലത്തെയും ഉയർന്ന രണ്ടാമത്തെ  വിലയായിരുന്നു ഇത്. സംസ്ഥാനത്ത് സ്വർണവില ഇതിലും ഉയർന്നത് ഇക്കഴിഞ്ഞ ഫെബ്രുവരി 2നാണ്. അന്ന് പവന് 42,880 രൂപയും, ഗ്രാമിന് 5,360 രൂപയുമായിരുന്നു വില. രാജ്യാന്തര വിപണിയിലെ മാറ്റങ്ങളാണ് സംസ്ഥാന വിപണിയിലും പ്രതിഫലിക്കുന്നത്. രാജ്യാന്തര വിപണിയിൽ തിങ്കളാഴ്ച വല്ലാതെ വീണ അമേരിക്കൻ ബോണ്ട് യീൽഡ് തിരിച്ചു കയറി തുടങ്ങിയത് ഇന്നലെ സ്വർണത്തിന് തിരുത്തൽ നൽകിയെങ്കിലും 1900 ഡോളറിന് മുകളിൽ വ്യാപാരം തുടരുന്നത് അനുകൂലമാണ്. 

English Summary : Gold Price Today