സ്വർണവിലയിൽ വീണ്ടും ചാഞ്ചാട്ടം

ചാഞ്ചാട്ടം തുടർന്ന് സംസ്ഥാനത്തെ സ്വർണവില. ഈ മാസത്തെ ഏറ്റവും കുറഞ്ഞ വില ഇന്നലെ രേഖപ്പെടുത്തിയ ശേഷം  ഇന്ന് വില വർധിച്ചു. ഗ്രാമിന് 10 രൂപയും പവന് 80 രൂപയും വർധിച്ച് ഗ്രാമിന് 5,755 രൂപയിലും പവന് 46,040 രൂപയിലുമാണ് വ്യാഴാഴ്ച വ്യാപാരം പുരോഗമിക്കുന്നത്. ഗ്രാമിന് 40 രൂപയും പവന് 320 രൂപയും ഇടിഞ്ഞു ഗ്രാമിന് 5,745 രൂപയും പവന് 45,960 രൂപയുമാണ് ബുധനാഴ്ച രേഖപ്പെടുത്തിയത്.

രാജ്യാന്തര വിപണിയിൽ ഇസ്രായേൽ-ഹമാസ് യുദ്ധ പ്രതിസന്ധി തുടരുന്നത് സ്വർണ്ണത്തിന്റെ ഡിമാൻഡ് ഉയർത്തി നിർത്തുന്ന ഘടകമാണ്. ലോകം ക്രിസ്മസ് ന്യൂ ഇയർ ആഘോഷങ്ങളിലേക്ക് കടക്കുന്നതും സ്വർണ വിലയിൽ സ്വാധീനം ചെലുത്തുമെന്ന് വിദഗ്ധർ അഭിപ്രായപെട്ടു. അടുത്ത വർഷം ഫെബ്രുവരിയോടെ വില വീണ്ടും ഉയരും എന്നാണ് പ്രവചനം