വില കുറഞ്ഞെങ്കിലും സാധാരണക്കാർക്ക് കൈയ്യെത്താദൂരത്ത് സ്വർണം

വീണ്ടും 45,000 ത്തിലേക്ക് തിരികെയെത്തി സ്വർണവില. ഗ്രാമിന് 55 രൂപയും പവന് 440 രൂപയും കുറഞ്ഞ് ഗ്രാമിന്  5,715 രൂപയിലും പവന്  45,720 രൂപയിലുമാണ് ശനിയാഴ്ച വ്യാപാരം പുരോഗമിക്കുന്നത്. ഇത് ഈ മാസത്തെ ഏറ്റവും കുറഞ്ഞ നിരക്കാണ്. രണ്ട് ദിവസം വർധിച്ചു നിന്ന സ്വർണവിലയാണ് ഇന്ന് ഇടിഞ്ഞത്. ഗ്രാമിന് 15 രൂപയും പവന് 120 രൂപയും വർധിച്ച്  ഗ്രാമിന്  5,770 രൂപയിലും പവന് 46,160 രൂപയിലുമാണ് ഇന്നലെ വ്യാപാരം നടന്നത്.

ഇസ്രായേൽ- ഹമാസ് സംഘർഷം തുടരുന്നതും ഡോളറിൻെറ മൂല്യം ഇടിഞ്ഞതുമാണ് കഴിഞ്ഞ ആഴ്ചകളിൽ സ്വർണവില കുതിക്കാൻ കാരണം. റെക്കോർഡ് നിരക്കിൽ നിന്നും സ്വർണം ഇടിഞ്ഞെങ്കിലും സാധാരണക്കാർക്ക് കയ്യെത്താ ദൂരത്ത് തന്നെയാണ് ഇപ്പോഴും സ്വർണവില ഉള്ളത്.