വീണ്ടും റെക്കോർഡിന് തൊട്ടരികിൽ സ്വർണവില

സംസ്ഥാനത്ത് റെക്കോർഡ് നിരക്കിന് തൊട്ടരുകിൽ സ്വർണവില. ഇന്ന് ഗ്രാമിന് 10 രൂപയും പവന് 80 രൂപയും വർധിച്ചു. ഇതോടെ ഗ്രാമിന് 5,850 രൂപയിലും പവന് 46,800 രൂപയിലുമാണ് ബുധനാഴ്ച വ്യാപാരം പുരോഗമിക്കുന്നത്.

ഇത് വരെയുള്ള റെക്കോർഡ് നിരക്കായ ഡിസംബർ 4 ലെ പവന് 47,080 രൂപയിൽ നിന്നും 280 രൂപയുടെ വ്യത്യാസത്തിലാണ് ഇന്നത്തെ വില. ഗ്രാമിന് 20 രൂപയും പവന് 160 രൂപയും വർധിച്ചു ഗ്രാമിന് 5,840 രൂപയിലും പവന് 46,720 രൂപയിലുമാണ് ഇന്നലെ വ്യാപാരം നടന്നത്.