ഹെൽത്ത് ചെക്കപ്പ് നടത്തിയാൽ നികുതി ഇളവ് കിട്ടുമോ

ഹെൽത്ത് ചെക്കപ്പ് ചെലവുകൾക്ക് പ്രത്യേക കിഴിവ് ലഭ്യമാണ്.. നികുതി ദായകനോ ജീവിതപങ്കാളിക്കോ, ആശ്രിതരായ കുട്ടികളുടെയോ മാതാപിതാക്കളുടെയോ ഹെൽത്ത് ചെക്കപ്പിനാണ് ഇതു ലഭിക്കുക. പരമാവധി 5000 രൂപ വരെയാണ് ഒരു വർഷം കിഴിവ്. ഹെൽത്ത് ഇൻഷുറൻസും ഹെൽത്ത് ചെക്കപ്പും ചേർന്ന് മൊത്തം കിഴിവിന്റെ പരിധി 25,000 രൂപയാണ്. സീനിയർ സിറ്റിസൻസിനാണെങ്കിൽ മൊത്തം കിഴിവിന്റെ പരിധി 50,000 രൂപയാണ്. ചെക്കപ്പിനു വേണ്ടിയുള്ള ചെലവ് പണമായി ചെലവാക്കാൻ നിരോധനം ഇല്ല. എന്നാൽ മെഡിക്കൽ ഇൻഷുറൻസ് പ്രീമീയം നിർബന്ധമായും ബാങ്കിലൂടെ വേണം കൈമാറാൻ.