ആക്സിഡന്റൽ പോളിസി പ്രത്യേകമായി എടുക്കുന്നതാണോ നല്ലത്?

ടേം ഇൻഷുറൻസ് വാങ്ങിയിട്ടുള്ള ആൾ അപകട ഇന്‍ഷുറൻസ് പോളിസി പ്രത്യേകമായി എടുക്കേണ്ടതുണ്ടോ എന്ന് പലർക്കുമുള്ള സംശയമാണ്. ടേം ഇൻഷുറൻസ് നിലവിലുണ്ടെങ്കിലും ആക്സിഡന്റൽ പോളിസി പ്രത്യേകം എടുക്കുന്നതാണ് നല്ലത്. ആക്‌സിഡന്റൽ ഡെത്തിനും (എഡി) സ്ഥിരമായി പൂർണമായോ, സ്ഥിരമായി ഭാഗികമായോ, താൽക്കാത്തേയ്ക്ക് പൂർണമായോ ഉള്ള വൈകല്യങ്ങളെല്ലാം പ്രധാനമായി ആക്സിഡന്റ് പോളിസി കവർ ചെയ്യുന്നു. കൂടാതെ, ഇത്തരം പ്രധാന പരിരക്ഷകൾക്കൊപ്പം പോളിസി ഉടമയ്ക്ക് ചൈൽഡ് എഡ്യൂക്കേഷൻ സപ്പോർട്ട്, ലോൺ പ്രൊട്ടക്ടർ തുടങ്ങിയ അധിക കവറുകളും തിരഞ്ഞെടുക്കാവുന്നതാണ്. പോളിസിയുടമയുടെ വരുമാനത്തിന്റെ അനുപാതത്തിന് അനുസരിച്ചായിരിക്കും കവറുകൾ.