യൂണിവേഴ്സല് സോംപോയില് ഇനി വെര്ച്വല് ഏജന്റ് സേവനം നല്കും
Mail This Article
നിര്മിത ബുദ്ധി അടിസ്ഥാനമാക്കിയുള്ള വെര്ച്വല് ഏജന്റുമാര് ഇനി ഉപഭോക്താക്കൾക്ക് സേവനം നൽകും. ഇന്ഷുറന്സ് കമ്പനി യൂണിവേഴ്സല് സോംപോ ജനറല് ഇന്ഷൂറന്സ് ആണ് ഉപഭോക്തൃ സേവനത്തിനായി വെര്ച്വല് ഏജന്റുമാരെ അവതരിപ്പിക്കുന്നത്. മോട്ടോര് ക്ലെയിം സേവനത്തിനാണ് ഈ സാങ്കേതിക വിദ്യ ഉപയോഗപ്പെടുത്തുന്നത്. നേരത്തെ കോള് സെന്ററിൽ ഏജന്റുമാര് നേരിട്ട് കൈകാര്യം ചെയ്തിരുന്ന കോളുകള് ഇനി വെര്ച്വല് ഏജന്റുമാരായിരിക്കും കൈകാര്യം ചെയ്യുക. ക്ലെയിം നടപടികളുടെ ആദ്യപടിയായുളള വിശദമായ പതിവ് അന്വേഷണങ്ങളും വിവര ശേഖരണവും വെര്ചല് ഏജന്റുമാര് നടത്തും. സാധാരണ സമയമെടുക്കുന്ന പ്രക്രിയയാണിത്. വെര്ച്വല് ഏജന്റുമാരെ അവതരിപ്പിച്ചതോടെ ഇത് ഗണ്യമായി കുറയും. ക്ലെയിം ഫയലിങ്, ക്ലെയിം സ്റ്റാറ്റസ് പരിശോധന, പോളിസി പരിശോധന അടക്കമുള്ള ക്ലെയിം രജിസ്ട്രേഷന് നടപടിക്രമങ്ങള് ഈ സാങ്കേതിക വിദ്യയിലൂടെ മിനിറ്റുകള്ക്കുള്ളില് പൂര്ത്തിയാക്കാന് കഴിയും. ഇന്ത്യയില് ഇന്ഷൂറന്സ് മേഖലയില് ആദ്യമായാണ് ഇത്തരമൊരു സേവനം.
English Summery : Virtual Agent will Give Service to Insurance Customers