ലൈഫ്‌ ഇന്‍ഷൂറന്‍സ്‌ കമ്പനികളുടെ പുതിയ ബിസിനസ് പ്രീമിയം ഉയര്‍ന്നു

HIGHLIGHTS
  • തുടര്‍ച്ചയായ രണ്ടാം മാസത്തിലും വളര്‍ച്ച
619260962
SHARE

രാജ്യത്തെ ലൈഫ്‌ ഇന്‍ഷൂറന്‍സ്‌ കമ്പനികള്‍ തുടര്‍ച്ചയായ രണ്ടാം മാസത്തിലും പുതിയ ബിസിനസ്‌ പ്രീമിയത്തില്‍ വളര്‍ച്ച രേഖപ്പെടുത്തി. ആഗസ്റ്റില്‍ ലൈഫ്‌ ഇന്‍ഷൂറന്‍സ്‌ കമ്പനികളുടെ പുതിയ ബിസിനസ്‌ പ്രീമിയം 15 ശതമാനം ഉയര്‍ന്ന്‌ 27,040 കോടിയായി. മാര്‍ച്ച്‌ അവസാനം ലോക്‌ഡൗണ്‍ പ്രഖ്യാപിച്ചതിന്‌ ശേഷം തുടര്‍ച്ചയായി നാല്‌ മാസം കമ്പനികളുടെ ബിസിനസ്‌ ചുരുങ്ങിയിരുന്നു. ഒരു പ്രത്യേക വര്‍ഷത്തില്‍ പുതിയ പോളിസികളില്‍ നിന്നും സമാഹരിക്കുന്ന പ്രീമിയമാണ്‌ പുതിയ ബിസിനസ്‌ പ്രീമിയം (എന്‍ബിപി). ആഗസ്റ്റില്‍ പൊതു മേഖലയില്‍ നിന്നുള്ള ലൈഫ്‌ ഇന്‍ഷൂറന്‍സ്‌ കോര്‍പറേഷന്‍ ഓഫ്‌ ഇന്ത്യയുടെ പുതിയ ബിസിനസ്‌ പ്രീമിയം 15.19 ശതമാനം ഉയര്‍ന്ന്‌ 19,714.21 കോടി രൂപയായി. അതേസമയം സ്വകാര്യ മേഖല ഇന്‍ഷൂറന്‍സ്‌ കമ്പനികളുടെ പുതിയ ബിസിനസ്‌ പ്രീമിയം വളര്‍ച്ച 13.4 ശതമാനമാണ്‌. ജൂലൈയില്‍ ലൈഫ്‌ ഇന്‍ഷൂറന്‍സ്‌ കമ്പനികള്‍ പുതിയ ബിസിനസ്‌ പ്രീമിയത്തില്‍ 6.8 ശതമാനം വളര്‍ച്ച നേടിയിരുന്നു.

English Summary : New Business Premium of Life Insurance Companies Increased

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN INSURANCE
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA