ഭിന്നശേഷിക്കാര്‍ ജീവിതത്തിലേറെ കാലവും തങ്ങളുടെ മാതാപിതാക്കളെ ആശ്രയിച്ചു മാത്രമായിരിക്കും ജീവിതം മുന്നോട്ടു കൊണ്ടു പോകുക. ഇത്തരം വ്യക്തികള്‍ക്കായി രക്ഷിതാക്കള്‍ എടുത്തിട്ടുള്ള ഇന്‍ഷുറന്‍സ് പോളിസികളുടെ ആനുകൂല്യം പോളിസി ഉടമകൾക്ക്( അതായത് മാതാപിതാക്കൾ) മരണം സംഭവിച്ചാലേ സെറ്റിൽ ചെയ്യാനാകൂ എന്നതായിരുന്നു ഇതുവരെ. എന്നാൽ  ഈ നിബന്ധന മാറ്റിയതായി ധനമന്ത്രി  അറിയിച്ചു. ഭിന്നശേഷിക്കാരുടെ ഇൻഷുറൻസിൽ നിന്നുള്ള  ആന്വിറ്റി, ലംപ്സം പേയ്‌മെന്റ് എന്നിവ ക്ലെയിം ചെയ്യുന്നതിന് ഇനി മുതല്‍ രക്ഷിതാവ് 60 വയസ് കഴിഞ്ഞാല്‍ മതിയാകും. ഭിന്നശേഷിക്കാരായവർക്ക് വളരെ ആശ്വാസം നൽകുന്ന ഈ തീരുമാനം ഇത്തവണത്തെ ബജറ്റിന്റെ മാനുഷിക മുഖവും വ്യക്തമാക്കുന്നു.

English Summary : Budget announcement for Differently Abled Persons