എൽഐസിയുടെ ഐപിഒയിൽ അപേക്ഷിക്കാൻ താൽപ്പര്യമുള്ള പോളിസി ഉടമകള്‍ തങ്ങളുടെ പാന്‍ കാര്‍ഡ് വിശദാംശങ്ങള്‍ മൂന്നുദിവസത്തിനകം എല്‍ഐസി പോളിസി രേഖകളില്‍ ചേർക്കണം. ഫെബ്രുവരി 28നകം പാന്‍ കാര്‍ഡ് വിശദാംശങ്ങള്‍ പുതുക്കിയവരെ വരാനിരിക്കുന്ന പബ്ലിക് ഇഷ്യൂവില്‍ അപേക്ഷിക്കുന്നതിന് യോഗ്യതയുള്ള പോളിസി ഹോള്‍ഡറായി പരിഗണിക്കുമെന്ന് എൽഐസി അറിയിച്ചു. എല്‍ഐസി വെബ്സൈറ്റില്‍ നേരിട്ടോ (https://licindia.in/Home/Online-PAN-Registration) ഏജന്‍റുമാരുടെ സഹായത്തോടെയോ പാന്‍ കാര്‍ഡ് വിശദാംശങ്ങള്‍ പുതുക്കാം. ഓഹരികളുടെ 10% വരെയാണ് പോളിസി ഉടമകള്‍ക്കുള്ളത്. 10 രൂപ മുഖവിലയുള്ള 316,249,885 ഇക്വിറ്റി ഓഹരികളാണ് ഓഫര്‍ ഫോര്‍ സെയിലിനായുള്ളത്.
English Summary: LIC Policy Holders should Update Their Pan card and Policy for Applying IPO
