പ്രവാസികൾക്കായി പുതിയൊരു സ്ഥിര നിക്ഷേപ പദ്ധതി കൂടി

ബജാജ് ഫിന്‍സെര്‍വിന്റെ വായ്പാ-നിക്ഷേപ വിഭാഗമായ ബജാജ് ഫിനാന്‍സ് ലിമിറ്റഡ് പ്രവാസി ഉപഭോക്താക്കള്‍ക്കായി സ്ഥിര നിക്ഷേപ പദ്ധതി ആവിഷ്‌ക്കരിച്ചു. ഉപഭോക്താക്കള്‍ക്ക് 8.95 ശതമാനം വരുമാനം ഉറപ്പാക്കുന്ന പദ്ധതിയാണിത്. ഫിക്‌സഡ് ഡെപ്പോസിറ്റിന് 12 മാസത്തിനും 36 മാസത്തിനും ഇടയിലുള്ള കാലാവധി കൂടാതെ ഒന്നിലധികം നിക്ഷേപം, എളുപ്പത്തില്‍ പുതുക്കുന്നതിനുള്ള സൗകര്യം എന്നിവയുമുണ്ട്. എന്‍ആര്‍ഐകള്‍ക്ക് എന്‍ആര്‍ഒ അക്കൗണ്ട് വഴി എളുപ്പത്തില്‍ ഇതില്‍ നിക്ഷേപിക്കാം.  36 മാസത്തേക്ക് നിക്ഷേപിക്കുന്നവർക്ക് 8.60 ശതമാനവും, നിലവിലെ ഉപഭോക്താക്കള്‍ക്ക് 8.85 ശതമാനവും മുതിര്‍ന്ന പൗരന്മാര്‍ക്ക് 8.95 ശതമാനവും പലിശ നൽകുമെന്ന് കമ്പനി അറിയിച്ചു.