ഇന്നു രണ്ടു തവണ കൂടി, സ്വർണവില ഗ്രാമിനു 4000 രൂപ

സ്വർണവില പവന് ഇന്നു രണ്ടു ഘട്ടമായി 520 രൂപ കൂടി  32000 രൂപയിലെത്തി. ഗ്രാമിനു 4000 രൂപയും. സർവകാല റെക്കോർഡാണിത്. തുടർച്ചയായി നാലാം ദിവസമാണ് വില കൂടുന്നത്.

ആഗോളതലത്തിൽ ഔൺസിനു ഇന്നു 1661.86 ഡോളറാണ് വില. കഴിഞ്ഞ ദിവസത്തേക്കാൾ 1.1 ശതമാനം വില വർധിച്ചു. അവധി വ്യാപാരവിപണിയിലും ഇന്നു വില വർധനയാണ് രേഖപ്പെടുത്തിയത്.  പത്തു ഗ്രാമിനു  401 രൂപ(    0.94% ) വില വർധന.

കൊറോണ വൈറസ് ബാധയെ തുടർന്നു ആഗോളതലത്തിൽ വളർച്ച ഭീഷണി ഉയർന്ന പശ്ചാത്തലത്തിൽ  നിക്ഷേപകർ സ്വർണ‍ത്തിലേയ്ക്ക് മാറുകയാണ്. അതുമൂലമുള്ള ഡിമാൻഡ് വർധനയാണ് വില വർധനയ്ക്ക്  കാരണം. വരും ദിവസങ്ങളിലും വില കൂടാനുള്ള സാധ്യതയുണ്ടെന്നാണ് വിലയിരുത്തൽ.