സൊമാറ്റോ ഐപിഒ ജൂലൈ 14 മുതല്
Mail This Article
സൊമാറ്റോയുടെ പ്രാഥമിക ഓഹരി വില്പന (ഐപിഒ) ജൂലൈ 14 മുതല് 16 വരെ നടത്തും. ഓരോ ഓഹരിക്കും 72 രൂപ മുതല് 76 രൂപ വരെയാണ് പ്രൈസ് ബാന്ഡ്. കുറഞ്ഞത് 195 ഓഹരികള്ക്കും തുടര്ന്ന് അതിന്റെ ഗുണിതങ്ങള്ക്കും അപേക്ഷിക്കാം. 9,000 കോടി രൂപ വരെയുള്ള പുതിയ ഓഹരികളും എഡ്ജ് ഇന്ത്യ വില്ക്കുന്ന 375 കോടി രൂപയുടെ ഓഹരികളും ഉള്പെട്ടതാണ് ഐപിഒ.
6,500,000 ഓഹരികള് അര്ഹരായ ജീവനക്കാര്ക്കായി നീക്കി വെച്ചിട്ടുണ്ട്.15 ശതമാനം സ്ഥാപന ഇതര വിഭാഗത്തിനും പത്തു ശതമാനം ചെറുകിട വ്യക്തിഗത നിക്ഷേപകര്ക്കുമാണ്. ഓഹരി ബിഎസ്ഇ, എന്എസ്ഇ എന്നിവയില് ലിസ്റ്റു ചെയ്യും.
കോട്ടക് മഹീന്ദ്ര ക്യാപിറ്റല് കമ്പനി ലിമിറ്റഡ്, മോര്ഗന് സ്റ്റാന്ലി ഇന്ത്യ കമ്പനി പ്രൈവറ്റ് ലിമിറ്റഡ്, ക്രെഡിറ്റ് സ്യൂസ് സെക്യൂരിറ്റീസ് (ഇന്ത്യ) പ്രൈവറ്റ് ലിമിറ്റഡ് എന്നിവരാണ് ഇഷ്യുവിന്റെ ആഗോള കോ-ഓര്ഡിനേറ്റര്മാരും ബുക്ക് റണ്ണിംഗ് ലീഡ് മാനേജര്മാരും. ബോഫ സെക്യൂരിറ്റീസ് ഇന്ത്യ ലിമിറ്റഡ്, സിറ്റിഗ്രൂപ്പ് ഗ്ലോബല് മാര്ക്കറ്റ്സ് ഇന്ത്യ പ്രൈവറ്റ് ലിമിറ്റഡ് എന്നിവരാണ് ഓഫറിന്റെ ബുക്ക് റണ്ണിംഗ് ലീഡ് മാനേജര്മാര്.
English Summary : Zomato IPO will Start on July 14th