ന്യൂഡൽഹി∙ ഇന്ത്യൻ ഓഹരിവിപണിയിലെ വിദേശ നിക്ഷേപത്തിൽ വൻ കുതിപ്പ്. വിദേശ ധനസ്ഥാപനങ്ങൾ കൈവശം വച്ചിരിക്കുന്ന ഓഹരികളുടെ മൂല്യം സെപ്റ്റംബറിൽ അവസാനിച്ച ത്രൈമാസത്തിൽ 65100 കോടി ഡോളറിലേക്ക് ഉയർന്നു. മുൻ വർഷം ഇതേ കാലയളവിൽ 56600 കോടി ഡോളറായിരുന്നു; 15 ശതമാനം വർധന. ജൂണിൽ അവസാനിച്ച ത്രൈമാസത്തിൽ 62600 കോടി ഡോളായിരുന്നു ആകെ നിക്ഷേപം; വർധന 4%. 

ഇന്ത്യൻ ഓഹരിവിപണിയുടെ ആകെ മൂല്യത്തിലെ വിദേശ ധനസ്ഥാപനങ്ങളുടെ സംഭാവനയിൽ കുറവുണ്ടായി. 16.95 ശതമാനമാണിത്. മുൻവർഷം ഇതേ ത്രൈമാസത്തിൽ 17.33 ശതമാനമായിരുന്നു. സെപ്റ്റംബർ പാദത്തിൽ ആകെ 538 കോടി ഡോളർ ആണ് വിദേശനിക്ഷേപകരിൽനിന്നായി ഒഴുകിയെത്തിയത്.