ദക്ഷിണാഫ്രിക്കയെ വീഴ്ത്തി ഇംഗ്ലണ്ട് വനിതാ ലോകകപ്പ് ഫൈനലിൽ; ഓസീസിനെ നേരിടും

england-women-team
ലോകകപ്പ് ഫൈനലിൽ കടന്ന ഇംഗ്ലിഷ് വനിതകളുടെ ആഹ്ലാദം (ട്വിറ്റർ ചിത്രം)
SHARE

ക്രൈസ്റ്റ്ചർച്ച് ∙ ദക്ഷിണാഫ്രിക്കയ്ക്കെതിരെ 137 റൺസ് ജയത്തോടെ നിലവിലെ ചാംപ്യൻമാരായ ഇംഗ്ലണ്ട് വനിതാ ഏകദിന ലോകകപ്പിന്റെ ഫൈനലിൽ. ആദ്യം ബാറ്റു ചെയ്ത് 293 റൺസിന്റെ മികച്ച സ്കോറുയർത്തിയ ഇംഗ്ലണ്ട് ദക്ഷിണാഫ്രിക്കയെ 156 റൺസിൽ പുറത്താക്കി. സ്കോർ: ഇംഗ്ലണ്ട് 50 ഓവറിൽ 8ന് 293. ദക്ഷിണാഫ്രിക്ക 38 ഓവറിൽ 156ന് ഓൾഔട്ട്. നാലിനു നടക്കുന്ന ഫൈനലിൽ ഓസ്ട്രേലിയയാണ് ഇംഗ്ലണ്ടിന്റെ എതിരാളികൾ. 

ടോസ് നഷ്ടപ്പെട്ടു ബാറ്റിങ്ങിനിറങ്ങിയ ഇംഗ്ലണ്ട് ഡാനിയേൽ വ്യാട്ടിന്റെ (129) സെഞ്ചുറിയുടെ കരുത്തിലാണ് മികച്ച സ്കോറിലെത്തിയത്. 5 തവണ ക്യാച്ച് കൈവിട്ട് ദക്ഷിണാഫ്രിക്കൻ ഫീൽഡർമാരും വ്യാട്ടിനെ ‘സഹായിച്ചു’.  വ്യാട്ട് പുറത്തായശേഷം വാലറ്റത്തു സോഫിയ ഡെംഗ്ലിയും (60) മികച്ച പ്രകടനം നടത്തി. 6 വിക്കറ്റു വീഴ്ത്തിയ സ്പിൻ ബോളർ സോഫി എക്ലെസ്റ്റനാണ് മറുപടി ബാറ്റിങ്ങിനിറങ്ങിയ ദക്ഷിണാഫ്രിക്കയെ 156 റൺസിൽ ഒതുക്കിയത്. 11 പന്തിൽ 24 റൺസുമായി ഇംഗ്ലണ്ട് ബാറ്റിങ്ങിലും സോഫി തിളങ്ങിയിരുന്നു.

English Summary: South Africa Women vs England Women, 2nd Semi-Final - Live Cricket Score

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

കമൽ സാറും, ഫഹദും പിന്നെ വിക്രമും | Vijay Sethupathi Interview

MORE VIDEOS
FROM ONMANORAMA