വനിതാ ലോകകപ്പ് ഫൈനൽ; ഇംഗ്ലണ്ട്– ഓസീസ് സൂപ്പർ പോരാട്ടം നാളെ

ക്രൈസ്റ്റ്ചർച്ച് ∙ 7–ാം കിരീടം ലക്ഷ്യമിട്ട് ഓസ്ട്രേലിയ, 5–ാം കിരീടം ലക്ഷ്യമിട്ട് ഇംഗ്ലണ്ട്; വനിതാ ഏകദിന ക്രിക്കറ്റ് ലോകകപ്പിൽ ‘ആഷസ്’ ഫൈനൽ. ഇന്ത്യൻ സമയം നാളെ പുലർച്ചെ 6.30നാണ് മത്സരത്തിനു തുടക്കം. സ്റ്റാർ സ്പോർട്സ് ചാനലുകളിലും ഹോട്‌സ്റ്റാറിലും തൽസമയം.

നിലവിലെ ജേതാക്കൾ ഇംഗ്ലണ്ടാണെങ്കിലും കടലാസിൽ ഓസീസിനാണ് മുൻതൂക്കം. ടൂർണമെന്റിലെ 8 കളികളും ജയിച്ചാണ് അവർ ഫൈനലിലേക്ക് ഇരമ്പിയെത്തിയത്. ആദ്യ 3 കളികളും തോറ്റ ശേഷമായിരുന്നു ഇംഗ്ലണ്ടിന്റെ കുതിപ്പ്. 

English Summary: Women's cricket world cup; Australia vs England