ലങ്കയ്ക്ക് ലീഡ് 323 റൺസ്

ഗോൾ ∙ പാക്കിസ്ഥാനെതിരെ രണ്ടാം ക്രിക്കറ്റ് ടെസ്റ്റിൽ ശ്രീലങ്കയ്ക്ക് 323 റൺസിന്റെ നിർണായക ലീഡ്. മൂന്നാം ദിനം കളി നിർത്തുമ്പോൾ 5 വിക്കറ്റ് നഷ്ടത്തിൽ 176 റൺസ് എന്ന നിലയിലാണ് ആതിഥേയർ. ക്യാപ്റ്റൻ ദിമുത് കരുണരത്‌നെയും (27) ധനഞ്ജയ ഡിസിൽവയും (30) ക്രീസിൽ. നേരത്തേ ലങ്കയുടെ ഒന്നാം ഇന്നിങ്സ് സ്കോറായ 378നു മറുപടിയായി പാക്കിസ്ഥാൻ 231നു പുറത്തായിരുന്നു. 5 വിക്കറ്റെടുത്ത ഓഫ് സ്പിന്നർ രമേശ് മെൻഡിസാണ് പാക്കിസ്ഥാനെ തകർത്തത്. ലെഗ് സ്പിന്നർ പ്രഭാത് ജയസൂര്യ 3 വിക്കറ്റെടുത്തു. ഒന്നാം ടെസ്റ്റ് ജയിച്ച പാക്കിസ്ഥാൻ പരമ്പരയിൽ 1–0നു മുന്നിലാണ്.

English Summary:  Cricket: Pakistan VS Sri Lanka