ട്വന്റി20 ലോകകപ്പിലെ സൂപ്പർ താരം; സാം കറന് ഐപിഎല്ലിൽ തീവില
Mail This Article
കൊച്ചി ∙ ഇംഗ്ലണ്ട് ഓൾറൗണ്ടർ സാം കറൻ ഇന്ത്യൻ പ്രിമിയർ ലീഗ് (ഐപിഎൽ) ട്വന്റി20 ക്രിക്കറ്റ് ചരിത്രത്തിലെ വിലകൂടിയ താരം. കൊച്ചിയിൽ ഇന്നലെ നടന്ന താരലേലത്തിൽ 18.5 കോടി രൂപയ്ക്കാണ് കറനെ പഞ്ചാബ് കിങ്സ് സ്വന്തമാക്കിയത്. ഇക്കഴിഞ്ഞ ട്വന്റി20 ലോകകപ്പിൽ ടൂർണമെന്റിലെ താരമായിരുന്നു സാം കറൻ. 2021ലെ ലേലത്തിൽ 16.25 കോടി രൂപ പ്രതിഫലം നേടിയ ദക്ഷിണാഫ്രിക്കൻ താരം ക്രിസ് മോറിസിന്റെ റെക്കോർഡാണ് ഇരുപത്തിനാലുകാരനായ കറൻ മറികടന്നത്.
17.5 കോടി രൂപയ്ക്ക് മുംബൈ ഇന്ത്യൻസ് ടീമിലെത്തിച്ച ഓസ്ട്രേലിയൻ ഓൾറൗണ്ടർ കാമറൂൺ ഗ്രീനും മോറിസിന്റെ പേരിലുണ്ടായിരുന്ന റെക്കോർഡ് മറികടന്നു. ഇംഗ്ലണ്ട് ടെസ്റ്റ് ടീം നായകൻ ബെൻ സ്റ്റോക്സിനെ 16.25 കോടി രൂപയ്ക്കു ചെന്നൈ സൂപ്പർ കിങ്സ് സ്വന്തമാക്കി. അതേസമയം, സാം കറന്റെ മൂത്ത സഹോദരൻ ബോളിങ് ഓൾറൗണ്ടറായ ടോം കറനെ ലേലത്തിൽ ഒരു ടീമും വാങ്ങിയില്ല.
English Summary: 18.5 crores for Sam Curran in IPL Auction